Charter Document - 03350076
| Charter Number: | 03350076 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1252 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Walterus Dei gratia Norwicensis episcopus salutem in Domino Noverit universitas vestra quod cum olim quedam interveniret compositio inter Albertum priorem Lewensem et eiusdem loci conventum ex una parte et Iohannem Malet rectorem ecclesie de Sculthorp ex altera super decimis in eadem compositione contentis secundum formam et dispositionem eiusdem compositionis signate signis utriusque partis et signo domine Eustachie de Pavily tunc temporis patrone dicte ecclesie sub modificatione pene et mutatione terminorum quam eidem compositioni litteris nostris patentibus adiecimus prout ex tenore dicte compositionis et litterarum nostrarum inspectione liquere poterit evidenter cum ex parte dicti Iohannis Malet pena in dicta compositione contenta commissa fuisset quia dictam compositionem non observaret licet iuramento suo firmata fuisset unde ipsum merito de periurio punire possemus ad instantiam tamen proborum virorum et laudabilium misericorditer agentes cum ipso ad penitentiarium nostrum ipsum pro penitentia de periurio recipienda transmisimus statuentes et precipientes de consensu ipsius Iohannis expresso et religione iuramenti sui firmato quod ubi novem marcas et dimidiam ad terminos in predicta compositione contentos ex nostra miseratione modificatos solvere tenebatur decetero annuas undecim marcas priori et conventui Lewensibus vel servienti eorum de Hecham iuxta Hunstanestun persolvat ipse et successores sui inperpetuum videlicet ad synodum Paschalem Norwyc vel infra mensem post quinque marcas et dimidiam et tantundem in forma consimili in festo nativitatis sancti Iohannis Baptiste vel infra mensem post dictum festum quod si ipse vel aliquis successorum suorum non fecerit licebit dictis priori et conventui propria auctoritate possessionem dictarum decimarum libere ingredi sine contradictione ipsius vel rectoris ecclesie de Sculthorp qui pro tempore fuerit ac eas recipere et pacifice possidere inperpetuum predicto rectore et successoribus suis possessione et iure dictarum decimarum privatis inperpetuum nulla questione vel iure aliquo sibi vel successoribus suis super dictis decimis reservato dictis Lewensibus vero remanentibus possessoribus et proprietariis dictarum decimarum Et si ipse vel aliquis successorum suorum impedimentum dictis religiosis prestiterit quominus ut predictum est possessionem dictarum decimarum ingredi possunt et eandem detinere ex tunc proprietate et possessione predicte ecclesie sit ipso iure privatus et episcopus qui pro tempore fuerit ad presentationem patroni ad eandem ecclesiam libere admitterit presentatum Procurabit etiam dictus Iohannes Maleth quatenus in ipso est fideliter signum dicte Eustachie patrone predicte ecclesie et signum nobilis viri Iohannis de Warrennia una cum suo sigillo suo proprio huic scripto apponi In cuius rei testimonium presentibus litteris sigillum nostrum fecimus apponi Dat apud Stratford anno Domini millesimo CC quinquagesimo secundo xiiii kalendas Novembris