Charter Document - 03350075

Universis Cristi fidelibus presentes litteras inspecturis Walterus Dei gratia Norwicensis episcopus salutem in Domino Noverit universitas vestra quod cum inter priorem et conventum de Lewes ex una parte et Iohannem Maleth rectorem ecclesie de Sculthorp ex altera iniretur compositio super decimis tam maioribus quam minutis de dominicis de Sculthorp necnon et de terris extractis postquam decime Lewensibus erant concesse quarum nomina in dicta compositione continentur ac partes in nostra presentia constitute dictam compositionem a nobis examinari corrigi vel modificari si videremus expedire ac sic confirmari peterent instanter nos dictam compositionem ratam habentes et confirmantes sic terminos solutionis mutavimus et penam in compositione adiectam modificamus videlicet ubi scriptum fuerit quod si Iohannes Maleth vel aliquis successorum suorum non solverit sexaginta et tres solidos et quatuor denarios in sinodo Paschali priori et conventui Lewensibus vel servienti eorum de Hecham infra quindenam post et tantumdem in alio termino in compositione contento dictus I et successores sui caderent a iure et possessione percipiendi dictas decimas inperpetuum sic duximus moderandum quod si dictus I vel aliquis successorum suorum non solverit lx tres solidos et quatuor denarios priori et conventui Lewensibus in sinodo Paschali vel servienti eorum de Hecham infra mensem post et tantundem in forma consimili in festo nativitatis sancti Iohannis Baptiste eisdem vel servienti eorundem de Hecham infra mensem post licebit dictis priori et conventui propria auctoritate possessionem dictarum decimarum libere ingredi sine contradictione rectoris ecclesie de Sculthorp ac eas recipere et pacifice possidere quousque de pecunia eisdem debita plenarie fuerit satisfactum quod si dictus rector vel aliquis successorum suorum in solutione dicte pecunie cessaverit per annum ex tunc cadat a possessione et iure dictarum decimarum inperpetuum nulla questione vel iure aliquo sibi vel successoribus suis super dictis decimis reservato dictis Lewensibus veris effectis possessoribus et proprietariis dictarum decimarum In cuius rei testimonium presentibus litteris sigillum nostrum apposuimus Dat apud Geywde quarto idus Decembris pontificatus nostri anno secundo