Charter Document - 03350073

Omnibus Cristi fidelibus presens scriptum visuris vel audituris Walterus Dei gratia Norwicensis episcopus salutem in Domino sempiternam Noverit universitas vestra nos de consensu et voluntate capituli nostri Norwicensis concessisse dedisse et presenti carta confirmasse Willelmo Ingelond servienti nostro pro homagio et servitio suo totam terram cum mesuagio edificiis et omnibus pertinentiis ad dictam terram spectantibus que fuit Willelmi sutoris in villa de Thorp excepta illa parte cum prato et bruario quam Willelmus Talebot inde tenet habendam et tenendam predicto Willelmo et heredibus suis de se legitime procreatis de nobis et successoribus nostris libere quiete in pace et hereditarie reddendo inde annuatim nobis et successoribus nostris viginti et unum denarios scilicet ad festum sancti Andree sex denarios ad festum Annunciationis beate Marie sex denarios ad festum sancti Iohannis Baptiste tres denarios et ad festum sancti Michaelis sex denarios pro omni servitio consuetudine et exactione ita tamen quod nec ipse nec heredes sui de se legitime procreati aliquid de dicta terra possint vendere dare vel aliquo modo alienare quod si fecerint liceat nobis vel successoribus nostris predictam terram ingredi et sine contradictione aliqua vel clamio predicti Willelmi vel heredum suorum in perpetuum retinere Quod si contingat predictum Willelmum sine herede de se legitime procreato in fata decedere tota predicta cum suis supradictis pertinentiis totaliter et integre et sine diminutione aliqua ad nos et successores nostros quieta et soluta revertetur In cuius rei testimonium huic scripto sigillum nostrum unacum sigillo predicti capituli nostri fecimus apponi Hiis testibus Willelmo de Gernemuta Ricardo de Walkot Reginaldo de Hemelingtun Michaele de Lingwde Galfrido de Hemelintune Iohanne del Gap Willelmo de le Heythe Iohanne filio suo Iohanne filio Iohannis de Thorp Ricardo le Franceys Roberto Dosseth Willelmo de Grimmere Willelmo Dosset et aliis