Charter Document - 03350072
| Charter Number: | 03350072 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Restatement |
| Date: | 1256 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Cristi fidelibus Walterus miseratione divina episcopus Norwicensis salutem in Domino sempiternam Oculo pietatis considerantes ius quod dilecti filii abbas et conventus sancti Benedicti de Hulmo ex largitione predecessorum nostrorum et nostra in ecclesia de Neteshirde nostre diocesis habere noscuntur ac etiam qualiter ecclesia sancti Benedicti hiis temporibus periculis et infortuniis variis et diversis multipliciter fuerit collisa ipsique maximam propter eandem ecclesiam de Neteshirde sustinuerunt iacturam et ob hoc volentes eisdem benefacere ut saltem de periculis et dampnis habitis in aliquo releventur ecclesiam ipsam eis in proprios usus prius concessam que de ipsorum est patronatu auctoritate episcopali concedimus eisdem in proprios usus perpetuis temporibus possidendam salva vicaria competenti in eadem per nos taxanda ad quam cum vacaverit ipsi nobis personam ydoneam presentabunt In cuius rei testimonium huic scripto sigillum nostrum duximus apponendum Dat Norwic quarto nonas Septembris pontificatus nostri anno duodecimo et anno Domini MCCL sexto