Charter Document - 03350070
| Charter Number: | 03350070 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1249 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Cristi fidelibus presens scriptum visuris vel audituris Walterus Dei gratia Norwicensis episcopus salutem in Domino sempiternam Cum iuxta officii nostri debitum bona religiosorum fovere tueri pariter et protegere teneamur eorumque adversitati et miserie condolere maxime quorum probitatis merita crescere novimus in misericordie et caritatis fervorem dilectorum filiorum abbatis et conventus sancti Benedicti de Hulmo iacture compatientes qui nobis agentibus in remotis ecclesiam suam de Scothowe quam a multis retro temporibus habuerunt in proprios usus conversam amittendo enorme dispendium incurrerunt ad sublevandam eorum aliquatenus iacturam divina moti pietate ecclesiam de Bastwik que de eorum est patronatu in proprios usus illis caritative duximus concedendam hac nostre concessionis gratia perpetuis valitura temporibus Et ne hoc a quoquam in posterum possit revocari in dubium presens scriptum sigilli nostri fecimus impressione roborari Dat apud Eccles tertio kalendas Ianuarii pontificatus nostri anno quinto et anno Domini MCCXL nono