Charter Document - 03350064
| Charter Number: | 03350064 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1255 |
| Date type: | Internal, A.D., Calendar |
| Resource Link(s): |
|
Charter:
Egregio viro ac domino magnifico Henrico Dei gratia illustri regi Anglie domino Hybernie duci Normannie Acquitannie et comiti Andegavie Walterus miseratione divina episcopus Norwycensis salutem in eo qui regibus dat salutem Quia Rogerus Heved de Aldeberg nostre dioecesis excommunicatus iam per xl dies et amplius in excommunicationis sententia pertinaciter perseveravit claves ecclesie contempnendo celsitudini vestre humiliter duximus supplicandum quatinus cohercionem quam regia potestas contra tales exercere consuevit in eum fieri iubeatis Valeat in Domino vestra regia serenitas per tempora longiora Datum apud Blafeud xiii kalendas Augusti anno gratie MCCL quinto