Charter Document - 03350060
| Charter Number: | 03350060 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1253 |
| Date type: | Internal, A.D., Calendar |
| Resource Link(s): |
|
Charter:
Excellenti et magnifico domino Henrico Dei gratia regi Anglie domino Hybernie duci Normannie Aquitannie et comiti Andegavie Walterus permissione divina Norwicensis ecclesie minister humilis salutem in eo qui regibus dat salutem Electionem de Nicholao de Gypeswico canonicum in domo sancti Petri de Gypeswico nuper celebratam examinavimus prout decuit diligenter et ipsam de consilio nobis assidentium plurimum peritorum duximus confirmandam Quapropter regiam celsitudinem affectuose rogamus quatinus quod ad vos pertinet in hac parte benignitate solita impendatis Valeat vestra perspicuitas per tempora longa in Domino diu duratura Data Lond xviii kalendas Februarii anno Domini MCCL secundo