Charter Document - 03350056
| Charter Number: | 03350056 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1248 |
| Date type: | Internal, A.D. |
| Resource Link(s): |
|
Charter:
Egregio ac magnifico domino Henrico Dei gratia illustri regi Anglie domino Ibernie duci Normannie et Aquitannie et comiti Andegavie Walterus miseratione divina Norwicensis ecclesie minister humilis salutem in eo qui dat salutem regibus Quia Willelmus de Dunton capellanus de comitatu Norfolch claves ecclesie pertinaciter contempnendo per quadraginta dies et amplius in excommunicationis perseveravit sententia celsitudini vestre humiliter supplicamus et devote quatinus districtionem quam regia maiestas vestra contra tales exercere consuevit in ipsum inferri vestra iubeat excellentia Valeat regia maiestas vestra semper in Domino Datum apud Thornham kalendis Iunii anno Domini MCCXL octavo