Charter Document - 03350042
| Charter Number: | 03350042 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1247 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus has litteras visuris vel audituris Walterus Dei gratia Norwicensis episcopus salutem in Domino sempiternam Noverit universitas vestra nos de consensu dilecti filii abbatis sancti Benedicti de Hulmo ecclesie de Stalham patroni pariter et eiusdem ecclesie rectoris domino Reginaldo le Gros militi et heredibus suis perpetuam cantariam in capella in curia sua apud Stalham sita concessisse sub hac forma videlicet quod capellanus in eadem ministraturus in primo suo adventu presente rectore matricis ecclesie vel suo procuratore inspectis sacrosanctis evangeliis corporali sacramento se astringet quod omnes oblationes dicte capelle undique provenientes eo die quo percipiuntur vel proximo die sequenti matrici ecclesie fideliter et absque ulla diminutione restituet nec aliquem parochianum matricis ecclesie ad confessionem vel ad aliud sacramentum ecclesiasticum nisi mortis periculo imminente recipiet Erit siquidem prefata capella matrici ecclesie subiecta et in signum subiectionis prefatus miles et heredes sui cum tota familia sua si ibidem fuerint diebus infra notatis ad matricem ecclesiam accedent scilicet die natalis Domini ad tres missas diebus vero Pasche Pentecostes Assumptionis gloriose virginis et festi ecclesie ad magnam missam ipsam debitis oblationibus veneraturi Quod si capellanus qui ibidem fuerit in aliquo premissorum rebellis extiterit capella sit ipso vice suspensa donec matrici ecclesie per ipsum fuerit satisfactum In cuius rei testimonium presenti scripto sigillum nostrum duximus apponendum Dat apud Thorneg iiii kalendas Iulii pontificatus nostri anno tertio