Charter Document - 03350039
| Charter Number: | 03350039 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1254 |
| Date type: | Internal, A.D. |
| Resource Link(s): |
|
Charter:
Omnibus sancte matris ecclesie filiis ad quos presentes littere pervenerint Walterus Dei gratia Norwicensis episcopus salutem in Domino sempiternam Beati patris Eadmundi Cantuariensis ecclesie presulis dum adhuc a nobis cerneretur in terris vita gloriosa miracula etiam que per ipsum a Domino fiunt ad ipsius sancti laudem excolendam et divulgandam nos compellunt et inducunt Nos ex dispensatione nobis credita Cristi fidelibus non solum erogare artum verbi Dei verum etiam ad eterne messionis manipulos recolligendos animos ipsorum excitare debitores nos recognoscentes de Dei misericordia gloriose virginis Marie necnon et gloriosi confessoris antedicti omniumque sanctorum meritis confisi omnibus parochianis nostris et aliis quorum diocesani hanc nostram ratam habuerint indulgentiam si de peccatis suis vere contriti fuerint et confessi qui ad capellam de Beurepeir in eiusdem sancti honore dedicatam causa devotionis vel orationis advenerint de iniuncta sibi penitentia sive penalitate eis pro commissis debita tresdecim dies in conspectu altissimi relaxamus Dat Dunelm vi idus Septembris anno Domini MCCL quarto