Charter Document - 03350028
| Charter Number: | 03350028 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1252 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus presens scriptum visuris vel audituris Walterus Dei gratia Nortwicensis episcopus salutem in Domino sempiternam Noverit universitas vestra quod cum prior et conventus de Castelacra ecclesiam de Fulmodestun cum capella de Croxetun vacantes que de eorum patronatu esse noscuntur ordinationi nostre commisissent nos inter cetera que in instrumento ordinationis nostre continentur ordinavimus quod de x marcis quas infirmarie ipsorum Acrensium perpetuis temporibus assignavimus per manus rectoris ecclesie de Fulmodestun quicumque fuerit de bonis ipsius ecclesie nomine annui et perpetui beneficii percipiendas magister Iohannes de Pagrave percipiat annuatim v marcas per manus dicti rectoris ad duas synodos Nortwic pro equalibus portionibus donec eidem I vel alicui de suis per ipsos Acrenses in beneficio xx marcarum vel amplius secundum tenorem carte sue quod non sic vicaria fuerit provisum et cum sibi vel alicui de suis provisum fuerit et alter ipsorum beneficium pacifice fuerit assecutus dicte x marce in usus infirmarie integritaliter ut premissum est convertantur Hanc autem ordinationem nostram prefati prior et conventus acceptantes huic scripto sigillum suum unacum sigillo nostro apposuerunt Actum apud Northelmham vi kalendas Martii anno pontificatus nostri anno octavo