Charter Document - 03350027

Omnibus Cristi fidelibus presens scriptum visuris vel audituris Walterus Dei gratia Norwicensis episcopus salutem in Domino sempiternam Noverit universitas vestra quod cum de mandato sedis apostolice Petrino clerico nato nobilis viri Hugonis Blanch de Lavagna qui nos et ecclesiam nostram et ecclesiam de Bliclingh de nostro patronatu in xl marcis habebat obligatam donec eidem in beneficio ecclesiastico ad valentiam xl marcarum iuxta tenorem mandati apostolici fuerit provisum in ecclesia de Fulmodestun cum capella de Croxton de patronatu prioris et conventus monachorum Acrensium vellemus providere tanden post multa intermedia prior et conventus ipsam ecclesiam cum capella nostre ordinationi commiserunt magistro Iohanne de Pagrave de presentatione de eo facta ad beneficia premissa sponte cedente Nos igitur pondatis circumstantiis universis sic duximus ordinandum quod ad dictorum Acrensium presentationem nunc et alias cum vacaverit dicta ecclesia persona ydonea admittatur et quod prefata ecclesia semper maneat obligata quamdiu nos et dicta ecclesia fuerimus dicto P obligati et eius rector qui pro tempore fuerit ad nostri et ecclesie nostre de Bliclingh exonerationem solvat xxx marcas dicto P donec eidem in beneficio xl marcarum secundum tenorem mandati apostolici fuerit per nos provisum ita quod eo decedente vel recedente vel eidem proviso ut predictum est prefata ecclesia cum capella a prestatione annuarum xxx marcarum libera maneat imperpetuum Insuper etiam attendentes infirmos et debiles conventus ecclesie Acrensis paucos et exiles redditus habere de quibus in infirmaria possint honeste recreari x marcas preter solitam et antiquam prestationem xl solidorum quam approbamus et confirmamus eidem infirmarie perpetuis temporibus assignamus approbamus et concedimus percipiendas ad duas synodos Norwic pro equalibus portionibus per manus rectoris ecclesie de Fulmodestun quicumque fuerit de bonis ipsius ecclesie nomine annui et perpetui beneficii incipiente predicta solutione in synodo sancti Michaelis anno Domini MCCLII excommunicantes omnes qui ipsos super ipso beneficio inquietabunt vel molestiam sive gravamen inferent vel dictas x marcas annuas ab usibus infirmarie subtrahent minuent vel aliquo modo contra nostram ordinationem fraudabuntur hoc salvo quod ex hac expressa nostra ordinatione de predictis x marcis magister Iohannes qui ad ipsam ecclesiam cum capella fuerat presentatus quinque marcas percipiet donec eidem vel alicui de suis per ipsos Acrenses in beneficio xx marcarum vel amplius secundum tenorem carte sue quod non sic vicaria fuerit provisum et cum sibi vel alicui de suis fuerit provisum et alter ipsorum beneficium pacifice fuerit assecutus dicte x marce in usus infirmarie integritaliter ut premissum est convertantur Hanc autem nostram ordinationem prefati prior et conventus acceptantes Thomam de Walecote clericum nobis presentaverunt quem secundum ordinationis memorate formam admisimus et rectorem in ecclesia de Fulmodestun cum capella instituimus In huius rei testimonium dicti prior et conventus magister I et Thomas de Walecote huic scripto signa sua unacum signo nostro apposuerunt Actum apud Northelm vi kalendas Martii anno gratie MCCLI