Charter Document - 03350026
| Charter Number: | 03350026 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1249 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Cristi fidelibus presens scriptum visuris vel audituris Walterus Dei gratia Norwicensis episcopus salutem in Domino sempiternam Noverit universitas vestra nos cartas venerabilium predecessorum nostrorum Iohannis primi Iohannis secundi et Thome plenius inspexisse ex quarum tenore perpendimus ecclesiam de Melewd dilectis filiis priori et conventui de Castelacra esse collatam in proprios eorundem usus inperpetuum convertendam dictamque collationem confirmatione capituli nostri Norwicensis invenimus esse munitam Nos igitur tam collationem predictam quam confirmationem ratam habentes et firmam utramque auctoritate pontificali duximus confirmandam salva honesta et sufficienti vicaria per nos cum voluerimus in eadem taxanda ad quam cum vacaverit dicti prior et conventus nobis et successoribus nostris personam ydoneam presentabunt salvis etiam episcopalibus consuetudinibus et nostre Norwicensis diocesis ecclesie dignitate In cuius rei testimonium presenti scripto signum nostrum fecimus apponi Hiis testibus magistris Roberto et Willelmo de Colecestria et de Suffolc archidiaconis Thoma rectore ecclesie de Humeresfeld Willelmo de Witewell Roberto rectore ecclesie de Prilleston Willelmo de Ludham et aliis Dat apud Marham vi kalendas Ianuarii anno Domini MCCXLIX et pontificatus nostri anno quinto