Charter Document - 03350023

Omnibus Cristi fidelibus has litteras visuris vel audituris Walterus miseratione divina Norwicensis episcopus eteram in Domino salutem Cum orta esset dissensio iner priorem et conventum de Castelacraex una parte et Iohannem de Walton vicarium ecclesie sancti Iacobi de Castelacre ex altera super eo quod dictus I asserebat dictam vicariam sub certis portionibus et redditibus dicte ecclesie sibi fuisse assignatam dictis vero monachis in contrarium asserentibus dictam vicariam a prima fundatione dicte ecclesie in uno corredio unius militis et decem solidis annuis extitisse tandem post multa intermedia eosdem ad hanc formam pacis reduximus videlicet quod dicti monachi omnes decimas et obventiones tam maiores quam minores totius ecclesie et alteragium absque diminutione aliqua integraliter percipient Dictus vero I suo perpetuo percipiet nomine vicarie tantummodo x marcas annuas ad duas sinodos Norwic equis portionibus sibi solvendas nec ultra dictas x marcas in dicta ecclesia sibi aliquod vendicabit preter i denarium de oblatione die natalis Domini et i denarium die Pasche et i denarium die sancti Iacobi Percipiet autem dictus I dictas x marcas pure et libere sustinendo solummodo honus ministrandi in dicta ecclesia et synodalia solvendi Insuper autem corporali iuramento inspectis sacrosanctis coram nobis prestito promisit se dictis monachis fidelem in omnibus futurum in decimis et obventionibus cum diligentia debita colligendis et eisdem monachis cum omni integritate et absque diminutione aliqua fideliter solvendis Et si de licentia nostra capellanum ad celebrandum divina sibi subrogaverit idem capellanus simile prestabit iuramentum Decedente vero vel recedente dicto vicario salvum sit ius pristinum dictis monachis in ecclesia memorata In cuius rei testimonium presenti scripto sigillum nostrum duximus apponendum Dat apud North Elmam iiii kalendas Maii pontificatus nostri anno secundo