Charter Document - 03350021
| Charter Number: | 03350021 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1246 |
| Date type: | Internal, Episcopal |
| Resource Link(s): |
|
Charter:
Universis Cristi fidelibus has litteras visuris vel audituris Walterus miseratione divina Norwicensis episcopus eternam in Domino salutem Noverit universitas vestra nos caritatis intuitu dilectis filiis priori et conventui de Castellacra ecclesiam de Kemestun que de ipsorum est advocatione in proprios usus concessisse salva vicaria per nos taxanda ad quam quotienscumque eam vacare contigerit dicti prior et conventus nobis et successoribus nostris clericum idoneum presentabunt salvis etiam in omnibus episcopalibus consuetudinibus et nostre Norwicensis ecclesie dignitate In cuius rei testimonium presenti scripto sigillum nostrum duximus apponendum Hiis testibus magistro Willelmo de Horham magistro Willelmo de Suffeud magistro Ada de Bromhom Willelmo de Pakeham Willelmo de Sidesterne Roberto de Glemham capellano Thoma de Walcot et aliis Dat apud Rollesbi v idus Februarii pontificatus nostri anno primo