Charter Document - 03350017
| Charter Number: | 03350017 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1244 |
| Date type: | Internal, A.D. |
| Resource Link(s): |
|
Charter:
Viris venerabilibus et discretis priori et conventui sancte Trinitatis Cantuariensis Walterus miseratione divina Norwicensis electus salutem eternam in Domino Quoniam de gratia speciali nobis concessistis extra ecclesiam vestram ubicumque voluerimus nostra ecclesia excepta consecrari anime nostre gratias referimus quas valemus firmiter promittentes quod occasione huius libere concessionis vestre nullum vobis vel ecclesie vestre inposterum preiudicium generabitur In cuius rei testimonium has litteras nostras vobis fecimus patentes Dat apud Terlinghe anno Domini MCCXLIIII mense Decembris