Charter Document - 03350014
| Charter Number: | 03350014 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus has litteras visuris vel audituris Walterus miseratione divina Norwicensis episcopus eternam in Domino salutem Etsi votivum sit nobis singulis religiosis nos reddere gratiosos ipsis gratia prosequi speciali que in sexu fragili constitute et Deo venerabiliter famulantur Cum Iohanna dilecta in Cristo filia abbatissa et conventus de Cadomo a multis retro temporibus quinque marcas et dimidiam ad duas synodos Norwicenses solvendas in ecclesia de Horsted nostre diocesis percipere consueverint nos dictis abbatisse et conventui quas ob religionis sue favorem insuper et multimodam earundem probitatem intra viscera gerimus caritatis gratiam volentes facere specialem dictum beneficium eis auctoritate pontificali perpetuo confirmamus In cuius rei testimonium presenti scripto sigillum nostrum duximus apponendum Datum apud Terling vii kalendas Aprilis anno Domini millesimo ducentesimo quadragesimo quinto