Charter Document - 03350013
| Charter Number: | 03350013 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1247 - 1248 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens [scriptum] pervenerit Walterus de Suffeld Dei gratia Norwicensis episcopus salutem in Domino Ad universorum notitiam volumus pervenire nos cartam venerabilis patris Willelmi de Raleheg predecessoris nostri super taxatione vicarie ecclesie de Upton confectam inspexisse ex cuius tenore perpendimus octodecim acrarum terre in villa de Upton ad dictam ecclesiam spectantium quas magister Hugo de Upton de prioris et conventus de Buttele concessione speciali possidebit medietatem post dicti magistri decessum vicarii qui pro tempore fuerit accrescere debere portioni Vero dictorum prioris et conventus religionem honestatem et assiduam in obsequiis divinis devotionem necnon hospitalitatem et caritatis largitatem attendentes dictas octodecim acras post decessum dicti magistri Hugonis eorundem prioris et conventus portioni quam habent in dicta ecclesia episcopali auctoritate intuitu caritatis totaliter assignamus concedimus et confirmamus ita tamen quod dicti prior et conventus quinque solidos sterlingorum post decessum dicti magistri vicario qui pro tempore fuerit annuatim die sancte Margarete in perpetuum persolvent Et ut hec nostra assignatio concessio et confirmatio perpetuam optineant firmitatem eas presenti scripto et sigilli nostri appositione corroboravimus Hiis testibus magistro Willelmo de Horham archidiacono Suff magistro Roberto de Insula archidiacono Colecestr magistro Herveo de Fakeham Adam de Wrthestede Willelmo de Whitewell Thoma capellano et aliis