Charter Document - 03350006

Universis Cristi fidelibus Walterus miseratione divina episcopus Norwicensis salutem in Domino sempiternam Cum ecclesiam de South Reynham nostre dioceses dilectis in Cristo filiabus priorisse et conventui monialium de Blakebergh caritatis intuitu et etiam ad piam petitionem domini Roberti de Scalis filii et heredis quondam domini Roberti de Scalis de cuius patronatu ecclesia ipsa fuit concesserimus in proprios usus perpetuis temporibus possidendam salva vicaria in eadem per nos taxanda ad quam dictus Robertus et heredes sui quotiens vacaverit nobis et successoribus nostris libere presentabunt nos vicariam ipsam duximus sic taxandam quod vicarius quicumque pro tempore fuerit in eadem habeat totum alteragium ipsius ecclesie cum omnibus ad illud provenientibus et etiam pertinentibus quoquomodo exceptis libera terra eiusdem ecclesie cum omnibus suis pertinentibus necnon et liberis tenentibus ecclesie sepedicte cum eorum redditibus servitiis et omnibus aliis suis pertinentiis et etiam eschaetis exceptis etiam decimis feni et terrarum quocumque genere bladi semitarum que omnia dictis monialibus libere inperpetuum remanebunt Et idem vicarius omnia onera dictam ecclesiam contingentia ordinaria videlicet sustinebit extraordinaria vero ab utrique agnoscantur pro rata Solvet insuper idem vicarius dictis monialibus annuatim dimidiam marcam argenti ad pitanciam die beati Thome archiepiscopi in natali quo die obitum dicti domini Roberti et antecessorum et successorum suorum perpetuis temporibus solempniter facient annuatim In cuius rei testimonium presenti scripto sigillum nostrum fecimus apponi Dat apud Hevyngham septem kalendas Maii pontificatus nostri anno tertio decimo et anno Domini millesimo CC quinquagesimo septimo