Charter Document - 03350002
| Charter Number: | 03350002 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1245 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Walterus Dei gratia Norwicensis episcopus salutem eternam in Domino Noveritis nos de voluntate et consensu Nicholai filii Warini Ioel perpetui vicarii ecclesie de Saham domino Philippo Basset cantariam in capella in curia sua de Saham constructa concessisse sub hac forma videlicet quod capellanus in ea ministraturus in primo suo adventu presente vicario matricis ecclesie vel suo capellano iurabit inspectis sacrosanctis ewangeliis quod omnes oblationes ac obventiones undecumque eidem capelle obvenientes matrici ecclesie eadem die qua percipiuntur vel proxima sequenti integre et absque diminutone restituet et quod nullum parochianum matricis ecclesie ad confessionem sive aliquod aliud sacramentum ecclesiasticum admittet nisi periculum mortis immineret Erit siquidem prefata capella matrici ecclesie subiecta et in signum subiectionis prefatus miles unacum familia sua ad matricem ecclesiam accedet diebus infrascriptis videlicet die nathale Domini et die Pasche assumptionis beate Marie et festivitatis ecclesie cum debitis et consuetis oblationibus ad magnam missam si ibidem fuerit prefatam ecclesiam veneraturus Nos vero omnes illos qui aliquid in huius nostre concessionis preiudicium sive fraudem machinaverint sive fieri procuraverint sententia excommunicationis innodamus In cuius rei testimonium presenti scripto sigillum nostrum apponi fecimus Dat apud Norwicum xi kalendas Maii pontificatus nostri anno primo