Charter Document - 03342070
| Charter Number: | 03342070 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1144 - 1158 |
| Date type: | Assigned |
| Resource Link(s): |
|
Charter:
Alexander prior et totus conventus Eliensis ecclesie omnibus filiis et fidelibus ecclesie sancte presentibus et futuris salutem et orationem Noverit vestra fraternitas nos donasse et presenti carta concessisse Radulpho dapifero nostro et amico insulam de Coveneya cum omnibus pertinentiis sive in terra sive in aqua et marisco in feudo et hereditate de nobis tenendam per servitium quinque solidorum annuatim inde reddendorum pro omni consuetudine et servitio sibi et heredibus suis post ipsum Et sciatis quod nos non warrantizamus aliquem qui dicat se habuisse donationem vel confirmationem factam a nobis de predicta insula tempore domini Hervei episcopi quando nos non habuimus copiam sigilli nostri vel etiam tempore domini Nigelli episcopi quando ipse habuit terras et res nostras in saisina sua quia nullam donationem vel confirmationem warrantizamus ante hanc nostram donationem que facta est communi voluntate nostri conventus et ad utilitatem et honorem nostre ecclesie Volumus igitur et precipimus firmiter quod tam prefatus Radulphus quam heredes sui post ipsum libere et quiete et honorifice ipsam insulam cum appenditiis suis per predictum teneant servitium