Charter Document - 03341147
| Charter Number: | 03341147 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 - 1197 |
| Date type: | Assigned |
| Resource Link(s): |
|
Charter:
Will[el]m[us] Dei gratia Elien[sis] episcopus omnibus Cristi fidelibus salutem in Domino Pastoralis cura nos admonet subditis nostris solicitam adhibere tuitionis protectionem illis maxime quos com[m]endat habitus religionis et honeste vite titulus claros ostendit Hinc est quod dilectorum filiorum nostrorum abbatis [et] monachorum de Thorney congaudentes oppinionem et tranquillitati prospicientes monasterium suum sub scriptis limitibus ab antiquo contentum videlicet Nomanneslande Tidebricheswych Troken Trokenholt Sukesdelf Shepelak Tofte Knore Ryngemere Midefentre et de Midefentre usque ad ripam de Must cum nemoribus pascuis pratis mariscis venatione et capturis libertatibus dignitatibus a regibus concessis seu posterum concedendis et omnibus pertinentiis suis sub cura defensionis nostre suscepimus Preterea communam pastura inter ripam de Wysebech et prefatos limites quam abbates de Thorneye ab antiquo pacifice habere consueverunt prefato monasterio confirmamus Donationes et confirmationes antecessorum nostrorum Elien[sium] episcoporum videlicet Hervei et Nigelli prefato monasterio collatas auctoritate nostra confirmamus Hermitorium autem de Trokenholt quod in adiacentiis eiusdem monasterii situm est sine aliqua contradictione suum esse cum sepultura fratrum suorum et leuca una circa domum de marisco a venerabili predecessore nostro Nigello episcopo data in dedicatione eiusdem ecclesie in honore sancte Marie virginis et sancti Andree apostoli Sane de novalibus eorum sive nutrimentis animalium nullus omnino decimas exigere presumat Preterea dignitates eorum et privilegia et libertates possessiones et beneficia que in prefato diocesi nostro optinuit vel in futuro devotione fidelium optentura est sine alicuius contradictione possideat libere et quiete sitque anathema quicumque ecclesiam predictam super hiis iniuste perturbare presumpserit Insuper eidem ecclesie de Thorney concedimus ut cum ipsa viduata sit pastore alium eligendum liberam habeat facultatem Et cum hec nostra confirmatio perpetue paci dictorum servorum Dei proficiat presens scriptum sigilli nostri munimine roboramus Hiis testibus magistro Ricardo Barre archidiacono Eliensi et aliis