Charter Document - 03341113
| Charter Number: | 03341113 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1174 - 1189 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos littere presentes pervenerint Gaufr[idus] Dei gratia Elyen[sis] episcopus salutem in Domino Noverit universitas vestra quod nos et conventus Elyen[sis] exegimus ab hominibus abbatis Ram[eseiensis] in Chatric[ia] infra libertatem sancte Etheld[rithe] et nostram et in hundredo nostro de Wicheford manentibus operationem quandam ab eis ex antiquo debitam in portione que eis competebat in calceta de Alreheda sicut homines nostri procedentes et testificantes operationem illam deberi a predictis hominibus dicebant quorum quidam dicebant se vidisse operationem illam factam fuisse in eadem calceta et districtionem factam catallorum eorumdem hominum de Chatricia pro defectu illius operationis et se hoc probaturos asserebant hominibus abbatis econtra asserentibus se nec fecisse nec debere facere operationem illam propter quod nos et memoratus abbas convenientes de verbo illo mediantibus hominibus nostris qui aderant tractavimus ita quod propter illius exactionis gravamen et districtionem que fiebat de catallis predictorum hominum pro operatione predicta de consensu eiusdem abbatis et eiusdem loci conventus iidem homines de Chatric[ia] et successores eorum post ipsos ecclesie Elyen[si] et nobis et successoribus nostris solvent annuatim ad Pascha iios solidos ad reparationem eiusdem calcete et hoc faciendo in perpetuum liberi et quieti erunt a predicta operatione et sic inter nos et abbatem et prenominatos homines suos pax facta est de predicta exactione In testimonium autem pacis predicto modo facte presenti scripto sigillum nostrum appendimus Testibus