Charter Document - 03341070
| Charter Number: | 03341070 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1144 - 1158 |
| Date type: | Assigned |
| Resource Link(s): |
|
Charter:
Alexander prior et totius Elien[sis] [ecclesie] conventus omnibus tam presentibus quam futuris salutem et orationem Qui ecclesie Dei vigilanter assistunt et necessitates expediunt merito de ecclesie facultatibus remunerantur Inde est quod per voluntate[m] capituli nostri concedimus et presenti carta confirmamus donationem et incrementum quod fecit dominus noster Nigellus episcopus Rad[ulfo] camerario suo fratri et fideli amico nostro cui ipse dedit et accrevit in feudo et hereditate insulam de Coveneia cum villa de Neddinga ad perficiendum servitium duorum militum Cum enim villa de Neddinga non posset sufficere ad servitium duorum militum in feudo et hereditate ipsi Rad[ulfo] ab episcopo per supradictum servitium prius donata petitione et suasionibus nostris et fidelium suorum accrevit ei prefatam insulam in feudo et hereditate ad perficiendum servitium duorum militum cum sepedicta villa Nos etiam ad magnos labores quos ipse Rad[ulf]us pro ecclesia nostra passus est et ad fidelia eius servitia respicientes eandem donationem cum incremento concedimus et presenti carta confirmamus reservatis nobis quinque solidis tam ab ipso Rad[ulf]o quam her[edibus] suis annuatim persolvendis de insula Coveneie Sciat etiam tam presens quam futura etas quod nulli alii concessionem vel donationem in prefata insula warantamus nisi Rad[ulf]o et her[edibus] suis Volumus ergo et quatinus ad nos pertinet precipimus quod tam ipse Rad[ulf]us quam her[edes] sui villam de Neddinga cum incremento insule de Coven[eia] per servitium duorum militum libere et quiete et honorifice teneant