Charter Document - 03340152
| Charter Number: | 03340152 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1191 |
| Date type: | Assigned |
| Resource Link(s): |
|
Charter:
Willelmus Dei gratia Eliensis episcopus et apostolice sedis legatus et ceteri Cantuariensis ecclesie episcopi venerabilibus et in Cristo dilectis archiepiscopis et episcopis ad quos presens scriptum pervenerit salutem in Vero salutari Quantis hucusque gavisa sit immunitatibus mater nostra Cantuariensis ecclesia vestrum credimus non latere prudentiam Inter quas retro habitas dignitates et privilegia eo hactenus functa est ne Eboracensem alias quam Cantuarie et ab eiusdem ecclesie archiepiscopo necnon totius Anglie primate consecrari liceret archiepiscopum Unde venerabilis pater noster Baldewinus Cantuariensis archiepiscopus ex predictorum privilegiorum varia et multiplici inspectione et antiqua consuetudine prudenter edoctus et antequam iter Ierosolimitanum arriperet adversus G[aufridum] Eboracensem electum ius suum protestatus est et dignitatem ne idem ab alio quam a se et in ecclesia Cantuariensi facta etiam eidem professione et obedientia consecraretur appellavit Nos quoque eiusdem patris nostri ius et dignitatem filiali prosequentes devotione volentes nichilominus prenominate nostre matris ecclesie dignitati providere memorati patris nostri appellationem innovantes ne predictus G[aufridus] Eboracensis electus ab aliquo vestrum munus consecrationis accipiat sedem apostolicam appellamus Valete