Charter Document - 03340150

Will[elmu]s Dei gratia Elyens[is] episcopus apostolice sedis legatus et domini regis cancellarius karissimo fratri suo in Cristo Hub[er]to eadem gratia Sar[esberiensi] episcopo totique capitulo salutem et sincere caritatis affectionem Ad vestram volumus pervenire notitiam causam que vertebatur inter dilectos filios nostros Ricard[um] Barre Elyens[em] archidiaconum et magistrum Thom[am] de Husseburn super ecclesia de Husseb quam idem archidiaconus ad prebendam suam de Sar[esberiensi] pertinere asserebat in presentia nostra presentibus etiam karissimis fratribus nostris Godefr[ido] Wynton Reginaldo Bathon et Hug[one] Coventrens episcopis de consensu partium hoc amicabili fine ad perpetuam ecclesie vestre securitatem conquievisse videlicet quod prefatus Thomas de ecclesia de Husseburne quam inspectis cartis domini regis H[enrici] primi et domini regis H[enrici] secundi in prebendam Sar[esberiensis] ecclesie intelleximus esse confirmatam prenotato archidiacono R[icardo] quinque marcas argenti singulis annis tota vita sua nomine prebende persolvet medietatem in festo sancti Michael[is] et reliquam medietatem in festo Pasch[e] Ita quod memoratus archidiaconus a magistro Thom[a] nichil ultra illas quinque marcas in tota vita sua exigere debebit Nos itaque hanc transactionem tam sollempniter celebratam perpetuam firmitatem optin[er]e volentes ipsam auctoritate nobis delegata et sigilli nostri testimonio duximus muniendam Testibus Roberto Wigorn electo Iordano decano Walt[er]o precentore Galfr[ido] archidiacono Baldewino cancellario magistro Barth[olomeo] canonico Sar[esberiensi] Galfr[ido] filio Pet[ri] Hug[one] Bardulf magistro Ivone archidiacono de Dereby magistro Teobald[o] magistro Amis magistro Hamon[e] de Waltham