Charter Document - 03340134
| Charter Number: | 03340134 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1190 - 1197 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presentib[us et] futuris Will[elmu]s divina miseratione Eliensis episcopus domini regis cancellarius salutem in Domino Noverit universitas vestra nos divine pietatis intuitu dedisse concessisse et hac carta nostra confirmasse Deo et beate Etheldrede et priori et monachis Eliensibus mille [et] quadringentas et xl acras in nova purprestura nostra de Elm et ducentas et xl acras in Sumeresham unde nunquam prius Eliensis [ecclesia] vel eiusdem ecclesie episcopi aliquod servitium habuerunt et quatuor acras apud Elm et quatuor acras apud Sumersha[m] ad duo mesagia [facienda] Ita videlicet quod Philipp[us] Menier et heredes sui tenebunt totam terram illam cum masagiis de prefatis priore et monachis in feodo et hereditate per servitium duarum marcarum argenti quas eis solvent annuatim ad duos terminos scilicet unam marcam ad festum sancti Michaelis et unam marcam ad Pascha pro omni servitio et exactione Has autem duas marcas habebunt predicti monachi pro anima domini nostri regis Ric[ardi] ad faciendum singulis annis anniversarium suum in ecclesia sua [per] octo dies et tunc habebunt illas duas marcas ad pitantiam Nos autem retinemus tantummodo nobis et successoribus nostris homagium [predicti] Philippi et heredum suorum de predicta terra Testibus Osb[erto] de Long[o] Campo Rob[erto] [de] Insula Gauf[rido] de Marisco Regin[aldo] de Marisco Will[elm]o Piuntel Regin[aldo] de Argent Iocel[ino] de Walpol Henr[ico] Muschet Alberico de Marines Eustac[io] de Era et multis aliis