Charter Document - 03340132
| Charter Number: | 03340132 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1190 - 1195 |
| Date type: | Assigned |
| Resource Link(s): |
|
Charter:
Willelmus Dei gratia Elyensis episcopus domini regis cancellarius omnibus sancte matris ecclesie filiis presentibus et futuris salutem Noverit universitas vestra nos divine pietatis intuitu dedisse concessisse et hac carta nostra confirmasse Deo et beate Etheldrede et priori et monachis Elyensibus duodecies xx acras terre in nova purprestura nostra de Leverington unde numquam prius Elyensis ecclesia vel eiusdem ecclesie episcopi aliquod servitium habuerunt Ita videlicet quod Albericus de Marines et heredes sui tenebunt terram illam de priore et monachis in feodo et hereditate solvendo eis inde annuatim unam marcam argenti ad duos terminos scilicet dimidiam marcam ad festum sancti Michaelis et dimidiam marcam ad Pascha pro omni servitio et exactione Hanc autem marcam habebunt predicti monachi pro anima domini nostri regis Ricardi ad faciendum singulis annis anniversarium suum in ecclesia sua per viii dies et tunc habebunt illam marcam ad pitanciam Nos autem retinuimus tantummodo nobis et successoribus nostris homagium predicti Alberici et heredum suorum de predicta terra Hiis testibus Osberto de Longo Campo Roberto de Insula Gaufrido de Marisco Regin[aldo] de Argent Willelmo Poyntel Iocel[ino] de Walepol Henrico Muschet Eustach[io] de Eya et multis aliis