Charter Document - 03340128
| Charter Number: | 03340128 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1190 - 1191 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens carta pervenerit Willelmus Dei gratia Elyensis episcopus apostolice sedis legatus et domini regis cancellarius salutem in Domino Noverit universitas vestra nos concessisse et dedisse imperpetuum et hac presenti carta nostra confirmasse ecclesie nostre de Ely et monachis Deo et beate Etheldrede ibidem servientibus in honore Dei et beate Etheldrede virginis unam garbam bladi bonam de unaquaque acra terre que sit in dominico nostro in omnibus maneriis nostris unoquoque anno percipiendam ad inveniendum tres cereos honorabiles et competentes perpetuo et continuo ardentes in prefata ecclesia de Ely duos videlicet ante corpus beate Etheldrede virginis et tertium in choro salvo quarto cereo quem predecessor noster Gaufridus episcopus instituit Et ut hec concessio et donatio nostra rata et inconcussa permaneat illam presentis pagine inscriptione et sigilli nostri appositione roboravimus Hiis testibus R[einero] episcopo sancti Asaphi Osmundo Parisiensi Waltero Rothomag[ensi] Iohanne Lexovien[si] archid[iaconis] magistro Eustach[io] Roberto de Viteri magistro Thom[a] magistro Garn[er]io Reymundo camerario nostro Nigell[o] Baldewin[o] capell[anis] et multis aliis