Charter Document - 03340126
| Charter Number: | 03340126 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1190 - 1195 |
| Date type: | Assigned |
| Resource Link(s): |
|
Charter:
Willelmus Dei gratia Elyensis episcopus apostolice sedis legatus et domini regis cancellarius omnibus Cristi fidelibus ad quos littere iste pervenerint salutem in Domino Noverit universitas vestra nos dedisse et concessisse ecclesie sancte Adeldrede de Ely et monachis ibidem Deo servientibus totam terram que fuit Radulfi clerici de Wicham quam tenuit de nostro soccagio in eadem villa quam idem Radulfus dedit eisdem monachis cum corpore suo pro anima sua ita plenarie et integre sicut eam melius tenuit et integrius die qua fuit vivus et mortuus pro eodem servicio pro quo idem R inde facere solebat hundredis et ideo volumus ut prefati monachi teneant predictam terram bene et in pace libere quiete et honorifice in terris masagiis croftis pratis pasturis et in omnibus rebus ad prefatum feodum pertinentibus Et ut hec donatio rata sit et inconcussa eam sigilli nostri munim[in]e corroboravimus Hiis testibus Reginaldo Bathon[iensi] episcopo Warino Ebroic[ensi] precentore Iohanne de Manestun Ricardo de sancto Eadmundo clericis magistro Eustachio Roberto de Insula Waltero de Tifford Turoldo de Hegeneton Michaele Pelerin Petro de Lindona et Ricardo de Nortun qui hanc cartam scripsit et multis aliis