Charter Document - 03340119

Gaufridus Dei gratia Heliensis episcopus omnibus sancte matris ecclesie filiis salutem Ex suscepti regiminis officio quietem religiosorum virorum devota tenemur pietate confovere et non solum numerum Deo famulantium augmentare verum etiam ad roborandum ordinis dignitatem exteriora eorum beneficia tenemur amplificare ut eo devotius divino cultui famulentur quo minus ad emendicanda victualia foris eos vagare contigerit Eapropter cum ex relatione nobilis viri Conani ducis Britanie et comitis Richmundie necnon et Clementis tunc abbatis beate Marie Eboraci et aliorum virorum probate estimationis et integri fructus nobis innotesceret Stephanum ducem Britannie et comitem Richemundie concessisse et dedisse cellam de Romburg cum omnibus pertinentiis suis Deo et abbatie sancte Marie Eboraci et monachis eiusdem loci cum inspectis instrumentis que predicti monachi habent manifeste nobis constaret de iure quod habent in ecclesia de Heselingfeld que in diocesi Heliensi est constituta ad instantiam et petitionem memorati nobilis viri Conani ducis et comitis et abbatis Clementis et monachorum Eboracensium memoratam ecclesiam de Heselingfeld Deo et abbatie memorate et monachis ibidem Deo famulantibus presenti scripto cum sigilli nostri appositione confirmavimus in eorum usus proprios inperpetuum omnimodo profuturam et ad sustentationem fratrum suorum apud Romburg degentium convertendam salvis episcopalibus consuetudinibus que debentur matrici ecclesie Heliensi in sinodalibus amodo et auxiliis debitis diocesano episcopo Cetera vero bona omnia que in diocesi nostra oblatione fidelium Deo largiente iustis modo sunt adepti aut in futurum Deo propitiante poterunt adipisci ut libere possideant et de eis pro voluntatis sue arbitrio sicut iustum fuerit disponant presenti scripto permittimus et confirmamus Hiis testibus Salomone tunc priore Heliensi Richardo archidecano Willielmo de Duze magistro Gaufrido Costentin magistro Andrea Grosso magistro Andrea de Rodingham magistro Richardo de Stoteford