Charter Document - 03340110
| Charter Number: | 03340110 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1175 - 1189 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos littere presentes pervenerint Galfridus Dei gratia Eliensis episcopus salutem in Domino Noverit universitas vestra nos ad petitionem et presentationem venerabilis fratris nostri R abbatis et conventus de Croiland canonice instituisse magistrum Godefridum de Wysebech personam in ecclesiam de Hokinton vacantem que ad eorum pertinet advocationem et patronatum habendam et possidendam perpetuo libere et quiete et honorifice cum omnibus ad eam pertinentibus solvendo eisdem monachis nomine eiusdem ecclesie annua pensione quatuor librarum argenti quatuor terminis in festo sancti Andree xx s in festo Ramis palmarum xx s in festo sancti Iohannis xx s et in festo sancti Michaelis xx s Ut autem predicta pensio annuatim sicut predictum est eis firma et stabilis permaneat eam presenti scripto et sigilli nostri appositione confirmamus Testibus []