Charter Document - 03340104
| Charter Number: | 03340104 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1180 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis Gaufr[idus] Dei gratia Eliensis episcopus salutem Universitati vestre notum fieri volumus nos instituisse sanctimoniales de Grenecroft et eis ius personatus concessisse in ecclesia Omnium Sanctorum de Cantebrug perpetuo habenda in perpetuam liberam et quietam elemosinam cum omnibus pertinentiis et libertatibus suis presente et consentiente Sturmi qui ius advocationis habebat in eadem ecclesia prius quod eis concesserat et carta sua confirmaverat constituentes eis communi assensu capituli perpetuum vicarium in prenominata ecclesia scilicet Ric[ardum] capellanum soluturum eisdem annuatim nomine memorate ecclesie xx solidos ad duos terminos scilicet x solidos ad Pascha x solidos ad festum sancti Michaelis et preterea facientem omnes consuetudines episcopales Et per predistinctam pensionem prenominatus R capellanus habebit prefatam ecclesiam perpetuo libere et quiete cum omnibus pertinentiis et libertatibus suis Et post recessum vel decessum predicti R capellani possidebunt prefate sanctimoniales sepedictam ecclesiam plenarie et integre et ei pro voluntate sua disponent salvis semper consuetudinibus episcopalibus Facta est autem hec institutio et vicarie concessio anno ab incarnatione Verbi MCLXXX feria v infra octavas sancti Martini et est primus terminus solutionis proximo venturum Pascha Testibus Roberto priore et Willelmo canonico de Bernewell Edm[undo] capellano episcopi Elia Godefr[ido] de Insula Godefr[ido] de Wisbech Adam de sancto Edm[undo] magistris Bartholomeo clerico de Brand Alano elemosinario Rogero decano magistro Roberto Cristien Ionatha presbitero Nicholao de sancto Botulfo Roberto de sancto Iohanne et Hugone fratre eius Simone et Waltero capellanis Evrardo de Bech Waltero filio Hugonis vicecom Iohanne de Davintr Petro de Bech Iohanne de Caisneto Amando clerico