Charter Document - 03340087
| Charter Number: | 03340087 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1133 - 1151 |
| Date type: | Assigned |
| Resource Link(s): |
|
Charter:
Venerabilis memorie dominus Nigellus Dei gratia Eliens[is] episcopus audiens multa bona de prefato fratre ad iam dictum locum ire disposuit fratrem Godricu[m] visitaturus et in Domino consolaturus Post sacri verbi consolationem rogavit episcopum frater ille ut si voluntati sue placeret locum cum oratorio dedicare et consecrare caritative dignaretur Et annuit ille Locum igitur dedicavit in honore sancte Trinitatis et sancte Marie semper virginis et patroni sui sancti Andree apostoli Insuper eidem loco omnes libertates in temporalibus et spiritualibus quales habeant alie ecclesie honorifice concessit et sigillo suo confirmavit Et post celebrationem factam episcopus ille una cum viris locupletibus qui illuc advenerant propter solempnitatem prefatam in loco illo discumbere non recusavit Sed et prefati viri eodem die de terris suis et redditibus loco eidem contulerunt Que dona episcopus predictus concessit et confirmavit