Charter Document - 03340086

Universis sancte matris ecclesie filiis Nigellus Dei gratia sacre edis Sancte Etheldrede virginis presul ac custos salutem et benedictionem Ne oblivio noverca memorie que a nobis pie ac rite acta sunt processu temporis possit eradere ea presenti pagine dignum duximus inserere Cum igitur in diebus nostri presulatus a nonnullis venisset in dubium et diutius inter ecclesiam Elyensem et cenobium Thornense esset altercatum ubi essent divise inter mariscum de Wisebeche et Thorn nec non et proprium mariscum Thorn et Witlesey tandem de consensu partium sunt plures viri prudentes tam clerici quam laici etate provecti et fide digni coram nobis et multis nobis assidentibus sunt vocati qui huiusmodi altercationis ambiguitatem sopirent Quorum electorum inter alios hec sunt nomina videlicet Thurstanus de Walsoken Godericus miles de Walsokne Aylwardus de Wisebeche Sedeston de Wisebeche et Siwardus de Wisebeche Helstan Hem Reginaldus clericus Ellich de Fitton Agge de Leveryngton Gudrannus filius Aldeware Wiganus filius Landri Ysaac filius Godrici Edgarus prepositus qui sub pena anathematis a nobis iussi bundas inter dictos mariscos nominare istas esse dixerunt scilicet a Tidbritwic super veterem ripam per Sepelac usque ad Thoft et inde per Sepelac usque ad Cnor deinde usque Ringemere hinc inter Thorneye et Witleseie a Cnor usque ad Midfentre et a Midfentre usque ad ripam que vocatur Must Nos autem illorum assertionem gratam habentes et ratam dictas bundas presenti scripto et sigilli nostri appositione dignum duximus corroborare statuentes ut quicunque hanc confirmationem nostram infringere vel ei ausu temerario contraire presumpserit maledictionem Dei omnipotentis et beate Dei genitricis Marie et omnium sanctorum noverit se incursurum