Charter Document - 03340075
| Charter Number: | 03340075 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1156 - 1158 |
| Date type: | Assigned |
| Resource Link(s): |
|
Charter:
Nigellus Dei gratia Eliensis episcopus omnibus baronibus et hominibus de honore sancte Etheldrede clericis et laicis Francis et Anglis tam presentibus quam futuris salutem Notum sit omnibus vobis me dedisse et presentis scripti pagina roborasse Roberto filio Radulphi camerarii mei totam terram et tenuram patris sui cum eisdem libertatibus et liberis consuetudinibus et servitium que patri suo donavimus hereditario iure tenendo videlicet manerium Neddyngie cum omnibus pertinentiis pro servitio duorum militum Verum quia ad tantum servitium perficiendum predictum manerium minime sufficere posse cognovimus in acremento eiusdem servitii et feodi duorum militum insulam de Coveneya cum omnibus pertinentiis suis hereditarie tenendam adiecimus quam Radulpho patri eiusdem Roberti quia ecclesie nostre et nobis in omnibus fideliter et utiliter servierat concesseramus et carta nostra confirmaveramus Damus etiam et concedimus eidem Roberto et heredibus suis post ipsum manerium de Northwolda cum omnibus pertinentiis suis pro servitio unius militis Preterea damus et concedimus eidem Roberto mesuagium quod fuit Goscelini de Ely in villa de Ely sicut idem Goscelinus et Agnes uxor eius dederunt illud in vita sua Radulpho patri suo Necnon damus et concedimus eidem Roberto mesuagium quod fuit Godardi carpentarii et Radulphi salinarium et mesuagium eius Leofsonn quoque piscatorem et Sithtricum de Newenham cum mesuagiis ipsorum Hec igitur mesuagia prefata cum hominibus damus et concedimus ei in feodo et hereditate pro una libra piperis annuatim reddenda pro omnibus servitiis et consuetudinibus Volumus itaque et firmiter precipimus quod predictus Robertus et heredes eius post ipsum teneant et possideant predictas terras cum acremento et mesuagiis predictis cum hominibus bene et in pace libere et quiete et honorifice et hereditarie per prenominata servitia cum omnibus libertatibus et liberis consuetudinibus in bosco et in plano et pratis et pasturis et paludibus et piscariis et molendinis et omnibus aliis rebus eisdem terris pertinentibus Huius autem donationis et concessionis testes sunt Alexander prior Eliensis Willelmus archidiaconus Ricardus thesaurarius regis Angl Ricardus de sancto Paulo Alexander clericus Hubertus clericus Willelmus clericus Albertus Angl[icus] et Adam filius eius Everardus de Beche et Robertus filius eius Albertus Pigot Gregorius filius eius Hugo de Cotenham Iordanus de Henegeton et Horaldus filius eius Michael Peregrinus Ricardus Morel Radulphus filius Ricardi Ricardus Basset Willelmus filius Turk Nicholaus ianitor et Petrus filius eius et Salamon aurifaber