Charter Document - 03340067
| Charter Number: | 03340067 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Writ |
| Date: | 1146 - 1169 |
| Date type: | Assigned |
| Resource Link(s): |
|
Charter:
Nig[ellus] Dei gratia Elyensis ecclesie minister omnibus abbatibus prioribus archid[iacono] decanis sacerdotibus et clero et populo sui episcopatus salutem et paternam benedictionem Misericors est Dominus qui in elemosinarum largitione et ecclesiarum edificatione nostrorum posuit remedia peccatorum et quia multis gravamur peccatorum wlneribus expedit sedule salutiferam querere medelam Ideo universitati vestre mandamus ut si qui de ecclesia beati Martini London[iensis] que reedificanda est ad vos venerint predicandi gratia benigne et honorifice illos suscipiatis nec ab aliquo aliquam inferri molestiam permittatis Omnibus autem illis qui ob salutem anime sue ad eandem ecclesiam reedificandam aliqua impertiti fuerint elemosinam xl dies relaxamus de iniunctis sibi penitentiis et partem concedimus in elemosinis et orationibus ecclesie nostre Valete