Charter Document - 03340065
| Charter Number: | 03340065 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1133 - 1145 |
| Date type: | Assigned |
| Resource Link(s): |
|
Charter:
Notum sit omnibus fidelibus tam presentibus quam futuris me Nigellum Dei gratia Eliensem episcopum reddidisse Livithe sorori Wlmanni monachi et Gilberno filio suo et heredibus suis mansuram quandam in Ely quam tenuit Festulfus solidam et quietam de omni servitio ut habeant eam in feodo et hereditate in escambium cuiusdam mansure quam avus suus et pater suus tenuerant in Ely solidam et quietam ab omnibus consuetudinibus et operationibus que postea fuit distributa burgensibus propter dilatandas plateas circa ecclesiam sancte Etheldrede propter timorem ignis vel aliorum impedimentorum Hiis testibus Willelmo priore Gocelino de Ely Willelmo de Lavanton Alexandro clerico Huberto clerico Radulpho camerario Alexandro pincerna Henrico de Ely Hugone pincerna W[illelmo] filio Turkylly Radulpho filio Willelmi