Charter Document - 03340052

Nig[ellus] Dei gratia Eliensis episcopus cunctis fidelibus Cristianis ad quos littere iste pervenerint consolatione paracliti refoveri Qui divinis famulatibus iugiter insistunt paterna oportet consolatione muniri Unde in ex in iuncto nobis a Deo episcopali officio pro filiorum nostrorum monachorum Eliensium statu cogimur satagere et quieti eorum cum summis vigiliis summaque diligentia providere Statuimus ergo immo antea statutum renovantes confirmamus et presenti pagina auctore Deo omnimodis inhibemus ne quisquam successorum nostrorum in Eliensi episcopatu de terris et possessionibus iam dictorum fratrum usibus destinatis preter eorum assensum aliquid sibi assumere comodi vel presumere audeat vel sub obtentu auxilii quicquam exigere conetur Sed sint omnia ex ipsorum rebus provenientia eorundem usibus perpetuo profutura Verumptamen si quid nos ex iam dictis possessionibus aliquo unquam tempore necessitate urgente comodi percepimus hoc non ex aliqua consuetudine fuisse presenti scripto profitemur Ad hoc etiam antea statutum renovamus ne cuiusquam hominis persona curiam sepedictorum fratrum in quibuscumque causis maioribus vel minoribus que ad ecclesiam nostram pertinere noscuntur audeat attentare Sed sint omnes cause maiores sive minores que in possessionibus vel ex possessionibus eorum orte fuerint ipsorum iuri et potestati absque ulla exceptione semper subiecte Hoc etenim decessoris nostri auctoritas roboravit et nostre pagine antiquitus conscripte tenor comprobavit Quicumque vero in posterum hanc nostre dispositionis paginam infringere sive abrogare conabitur nisi resipuerit ab eterno iudice sentiat ultionem His testibus Huberto clerico magistro Malg[er]o Gaufrido capellano magistro Petro magistro Rog[er]o Radulfo filio Alexandri Henrico et Bartholomeo clericis Iohanne medico magistro Ernaldo magistro Rodb[er]to Cristiano