Charter Document - 03340042
| Charter Number: | 03340042 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1156 - 1158 |
| Date type: | Assigned |
| Resource Link(s): |
Trinity College Library, Cambridge - Liber Eliensis O.2.1 (f175r) |
Charter:
Nig[ellus] Dei gratia Elyensis episcopus universe ecclesie catholice filiis presentibus et futuris perpetuam in Domino salutem Ad nostrum procul dubio spectat officium bonorum hominum pia studia libenter provehere et que ab eisdem ad Dei honorem et ob animarum medelam salubriter disponuntur episcopali auctoritate sancire Eapropter dilectorum filiorum nostrorum Roberti camerarii comitis Richemund et Alberici Picot pie devotioni aggratulantes donationem quam ipsi Deo et beato Iacobo et beato Leonardo et Reg[inaldo] monacho nostro et fratribus nostris monachis Elyensibus Deo servientibus fecerunt in insula que vocatur Deneia tam de insula ipsa quam de insula alia que vocatur Elmeneia et de ecclesiis de Wilburcha et de Wendeia cum decimis omnibus ad eas pertinentibus de nona etiam garba dominii sui de Wilburcham et de Wendeia et de terris extra prefatas insulas et de quibuscumque redditibus et elemosinis predicto loco ad frequentandum ibidem divinum officium et ad fratrum ibidem conversantium sustentationem assignatis iuxta quod in cartis eorundem Roberti videlicet et Alberici continetur ratam habemus et firmam atque stabilem in perpetuum fore episcopali auctoritate decernimus Si etiam isti predicti vel quilibet alii fideles divino instinctu admoniti de bonis sibi a Deo collatis mobilibus prefato loco beneficia cetero contulerint illa nichilominus divino ibidem famulatui et fratrum eiusdem loci tam futurorum quam presentium usui prememorata officii quo fungimur potestate confirmamus Et ne quis eos temere inquietare aut perturbare audeat et possessiones sive libertates loci illius auferre vel diminuere presumat sub excommunicationis edicto prohibemus Veneratores autem et benefactores huius loci benedictionis Dei et nostre participes statuimus T[este] universo capitulo Apud Wivelingham