Charter Document - 03340036
| Charter Number: | 03340036 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1154 |
| Date type: | Assigned |
| Resource Link(s): |
|
Charter:
Nigellus Dei gratia Elyensis episcopus omnibus tam presentibus quam futuris fidelibus ecclesie salutem Causam que inter dilectos filios nostros monachos Elyenses et Willelmum Monachum de Schelford super pensione manerii de Stapelford ab ipso Willelmo non soluta et terminis solvende pensioni statutis ab ipso Willelmo non servatis simulque dampno decem marcarum propter moram solutionis monachis illato mediante transactione diffinitam sicut presens indicat pagina vestra fraternitas recognoscat suis itaque obiectionibus adhuc monachis adicientibus quod cum prefatus W[illelmus] diem a nobis impetrasset quo vel ipsis satisfaceret vel pretaxatam villam in manus nostras resignaret die sibi indulto nec plene solvisset nec rationem solutionis pretendisset diem terminande cause statuimus Die itaque statuto secundum quod fuerat in negotio processum monachi ex precepto dompni metropolitani a nobis sibi postulabant iustitiam fieri et sententiam dari sed W[illelmus] de causa sua non plene confidens nec expectata sententia consilio cum probis hominibus inito sepedictum manerium Stapelford in manus nostras Elyensibus monachis reddidit monachi[s] ipsi W[illelmo] predicta obiecta imperpetuum remittentibus nisi W[illelmus] super manerio illo eis in posterum moveat questionem et suis si nemo ex suis ipsis monachis deinceps moveat questionem fidei etiam dationis interpositione W[illelmus] in manus nostras promisit quod in questione manerii nec suis proderit nec monachis oberit in futurum Testibus Radulfo abbate de Mildeton Ricardo de sancto Paulo et aliis