Charter Document - 03340031
| Charter Number: | 03340031 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1138 - 1139 |
| Date type: | Assigned |
| Resource Link(s): |
Trinity College Library, Cambridge - Liber Eliensis O.2.1 (f134v) Trinity College Library, Cambridge - Inquisitio Eliensis O.2.41 (p131) Trinity College Library, Cambridge - Inquisitio Eliensis O.2.4 (p133) British Library - Cotton MS Tiberius A VI (f111r) British Library - Cotton MS Vespasian A XIX (f43v) |
Charter:
Nigellus Dei gratia Elyensis ecclesie primus consecratus episcopus universis ecclesie filiis tam presentibus quam futuris salutem Cum divina disponente gratia Elyensis ecclesie regimen ingressus fuissem resque ecclesiasticas male in multis tractatas invenissem presertim eas que antea ad usum monachorum provise et separate a rebus episcopalibus minusque sufficienter ad necessaria illorum constitute fuerant decrevi statim monachis utiliorem dispositionem rerum suarum statuere Unde consilio cum amicis meis inito hoc modo eis ea que subscripta sunt tam in terrarum possessionibus et ecclesiarum ad easdem terras pertinentium quam in cunctis aliis rebus que ad opus illorum pertinent ordinavi et imperpetuum sic permanere concedo Terrarum igitur nomina hec sunt Infra Insulam Suttuna Wicheham Wichefort Wintewrda Tithbrichteseia Witleseia Stunteneia cum xxiii milibus anguillarum que capiuntur in paludibus et aquis que adiacent manerio illi et omnes apportatus et oblationes altarium matris ecclesie ad sustentandas eiusdem ecclesie necessitates et ecclesia sancte Marie de Ely cum terris et decimis et omnibus rebus ad ipsam ecclesiam pertinentibus et nominatim tota decima de Bertona mea et vacaria i in Dereforda et Bela et vii pensas salis in Tirintuna quin etiam ligna in Sumeresham et in Bluntesham sicut melius habuerunt tempore predecessorum meorum et super ripam de Bluntesham una mansura terre cum v acris ubi colligantur ligna et cum viii acris prati unde pascantur boves qui ligna attrahunt vinea etiam sua in Ely sicut habuerunt antequam ad episcopatum venirem et vi piscatores ad piscandum in aquis ubi solebant cum eorum mansionibus Extra Insulam In Cantebrigesyra Meldeburna Melreda Havechestune Nowetuna Wrettinge Stiviceswrde Suafham et xii sceppe frumenti et brasii quas dant heredes Hardawini de Scalariis et Stapalford in Suthfolc Bercham Stocha Meltune Suthburne Kingestune sacha et socha cum omnibus regalibus consuetudinibus in v hundredis et dimidio xx solidos in Rescemere Lachingahutha Undaleia Scepeia in Norfolch Fotestorp ad mandatum monachorum Et xxx milia allecium de Duneuuico Concedo eis etiam omnes servientes suos de omnibus ministeriis suis ut eos cum suis mansuris libere possideant Permitto preterea ut habeant et libere possideant universa dona que eisdem ante tempus episcopatus mei sive tempore meo data sunt vel in posterum dabuntur sive in terris sive in ecclesiis sive in decimis sive in piscariis sive in denariis sive in quocunque redditu quem eis quilibet fidelium hactenus contulerit sive postmodum collaturus sit Omnia autem prescripta insuper et curiam suam ipsis concedo cum universis libertatibus et consuetudinibus que in terris que mei iuris sunt servantur nichil prorsus excipiens ita ut aliquis posterorum meorum de ipsorum rebus nichil omnino se intromittat nisi quod eosdem cum omnibus possessionibus suis fideliter et indesinenter protegat et defendat et omnimodo manu teneat Si quis vero malignitatis spiritu commotus hanc nostram concessionem et donationem infringere contempnere vel abicere voluerit a Deo et ab omnibus sanctis eius sit condempnatus et a nobis in quantum licet excommunicatus et a consortio omnium fidelium separatus nisi resipiscat Fiat Fiat Amen