Charter Document - 03340010
| Charter Number: | 03340010 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1110 - 1131 |
| Date type: | Assigned |
| Resource Link(s): |
|
Charter:
Alexander prior de Ely et totus conventus de Ely omnibus filiis et fidelibus ecclesie salutem Sicut mendacio consentire culpa est sic veritati testimonium perhibere cum expedit laudabile est Unde quoniam quotiens controversia ulla suboritur summo opere veritati insistendum est nequando preceps iustitia[m] obruat sententia quantum nobis relatione antiquorum fratrum nostrorum super causa quondam agitata inter ecclesiam beati Cyrici de Suafham et ecclesiam beate Marie in eadem villa constructam nobis innotuit fraternitati vestre presenti scripto manifestamus Pro ecclesia itaque beati Cyrici adversus beate Marie ecclesiam sicut iam dicti fratres commemorant rationibus hinc inde sufficienter auditis et cognitis bone recordationis Herveus Elyensis episcopus dedit sententiam videlicet ut sola commemorata beati Cyrici ecclesia in Suafham parochialis ecclesie manerat auctoritate privilegiata et defunctorum corpora que apud beate Marie ecclesiam sepulta fuerant ad ecclesiam beati Cyrici tanquam ad parrochialem ecclesiam transferentur Valete in Domino