Charter Document - 03340005
| Charter Number: | 03340005 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1128 - 1131 |
| Date type: | Assigned |
| Resource Link(s): |
|
Charter:
Hugo Dei gratia Elyensis episcopus primus omnibus fidelibus tam presentibus quam futuris salutem Notum sit omnibus me concessisse immo presentia et auctoritate mea cor roborasse pactum illud quod intercessit inter conventum monachorum de Ely et Gualterum clericum agnomine grammaticum videlicet quod dedit eis Gualterus ecclesiam suam de Stretha cum universis beneficiis ipsi ecclesie pertinentibus et cum mansura sochelande in eadem villa et cum alia mansura in Ely quam ego sibi dedi pro servicio iii denariorum per annum quod servicium ego postea concessi monachis Pro quo Gualteri dono monachi susceperunt eum in fraternitatem suam et dederunt ei unius monachi corredium et unius servientis et duorum equorum dum vixerit sive donec habitum mutaverit Ea lege ut idem Gualterus eadem que ipsis dedit ab illis teneat singulis annis eos inde recognoscendo de dimidia marca et iii denariis Unde et ego testis sum cum his subscriptis Rotberto abbate Torneiense Guillelmo archidiacono Gocelino Nicholao Radulfo clericis Henrico dapifero Hasculfo Radulfo Burgundo Yvone Guillelmo de Corsold Iordano militibus Alberto Anglico Harduino Alfago Hugone Osberto Guillelmo ministris episcopi