Charter Document - 03340002
| Charter Number: | 03340002 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1123 - 1131 |
| Date type: | Assigned |
| Resource Link(s): |
|
Charter:
Herveus Dei gratia Elyensis episcopus omnibus sancte matris ecclesie filiis et fidelibus salutem et Dei benedictionem et suam Noveritis nos divine pietatis intuitu ad presentationem domini Pagani Peverel dedisse et concessisse et presenti carta nostra confirmasse canonicis regularibus de Barnewelle omnes ecclesias quas predecessor noster bone memorie dominus Remigius Lincolniensis episcopus eis concessit et sua carta confirmavit Concessimus etiam eis duas partes decimarum de omnibus dominiis iam dicti Pagani et omnium pertinentium ad baroniam de Brunne in diocesi nostra Habendas et tenendas libere quiete pacifice in liberam et puram et perpetuam elemosinam secundum quod continetur in carta predecessoris nostri ad domus sue et illic Deo servientium perpetuam sustentationem Confirmamus etiam eis et corroboramus omnes alias possessiones et donationes et elemosinas a quocumque sibi factas relaxantes eis qui iam dictis canonicis et ecclesie sue aliquid boni fecerint xl dies de iniuncta sibi penitentia secundum quod carta venerabilis patris nostri W[illelmi] Cantuariensis archiepiscopi testatur Hii sunt testes []