Charter Document - 03331046
| Charter Number: | 03331046 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1258 - 1259 |
| Date type: | Assigned |
| Resource Link(s): |
|
Charter:
De religiosis ne evagentur [E]t ut viris religiosis evagandi et rebus secularibus se miscendi prorsus occasio auferatur statuimus ne in episcopatu nostro executionis onus sine nostra licentia suscipiant speciali et ne quis ipsos executores consiliarios vel administratores in suo constituat testamento Si quis huiusmodi nostri statuti transgressor de rebus cuiuscumque defuncti disponere ordinare seu administrare presumpserit quoquo modo quod ab ipso presumptum fuerit carere iuribus et ipsum prout nobis visum fuerit decernimus puniendum Set nec quivis aliene iurisdictionis clerici ad exequendum in testamentis defunctorum admittantur nisi prius assignatis nostris inferius exprimendis de ratione reddenda et administrando fideliter sufficientem prestiterint cautionem Ad hec quoniam quilibet veritatis amator ad reprimendam falsariorum malitiam sagaci studio elaborare tenetur omnes illos qui post mortem alicuius testamentum aliquod fabricare vel consignare aut preter testatoris conscientiam quicquam addere vel detrahere testamento sibi vel alii aliquid ascribendo sive fraudem aliquam contra testamenta committere attemptaverint presentis sancte synodi approbatione excommunicamus et excommunicatos publice denuntiamus et quos super huiusmodi convinci contigerit ab omni actu bono tanquam falsarios decernimus esse repellendos