Charter Document - 03331044

Qui petit debitum vel super debito se conveniri permittit a quovis defuncto [Q]uoniam morientium vota tam clericorum quam laicorum modernis temporibus vix debitum sortiuntur effectum tum propter executorum negligentiam tum propter fictitios creditores qui que sibi a defuncto minime debeantur ab executoribus malitiose deposcunt tum propter debitores qui dum impossibilitatem probationum supponunt negant solvere quod tenentur ac alia impedimenta multimoda que contingunt nos remedium quale possumus adhibentes auctoritate Dei patris omnipotentis et presentis synodi sacrosancte excommunicamus omnes illos qui ab executoribus defunctorum aliquid in iudicio calumpniose deposcunt et usque ad diffinitiam perseverare conantur quod ab ipsis defunctis si essent superstites non peterent necnon et illos qui se scientes obligatos esse defuncto conveniri se ab executoribus patiuntur ut saltem deficiente probatione debita et solempni absolvantur Item ut testamenta circumquaque rite procedant precipimus quod executores statim post mortem defuncti bona ipsius mobilia ubicumque fuerint reperta fideliter sub fidedignorum testimonio conscribi procurent quod si ipsa infra quindenam si in confinio fuerint post mortem testatoris non fecerint in redditione rationum ad quas nobis vel [] officiali nostro reddendas iuris auctoritas eos obligat plena sibi fides in hiis que fecerint adhiberi non debet Et ut executores opus intendant libentius volumus quod per nostrum vel officialis nostri visum dum circa negotia defuncti laborant de bonis eiusdem defuncti sumptus habeant moderatos Quod si aparuerint negligentes quod per lapsum temporis a iure statuti patere poterit evidenter reddito de receptis et expensis compoto ammoveantur omnino et alii eorum loco prout iura decernunt per nos si expedire viderimus subrogentur