Charter Document - 03331035
| Charter Number: | 03331035 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1258 - 1259 |
| Date type: | Assigned |
| Resource Link(s): |
|
Charter:
De bonis clericorum decendentium ad episcopum pertinentibus [I]tem si bona clericorum ab intestato decedentium ad specialem dispositionem nostram pertinere noscantur inhibemus ne archidiaconus vel quivis alii sine auctoritate nostra se de bonis huiusmodi aliquatenus intromittant et cum rector vel vicarius aut alius vir ecclesiasticus etiam testatus in fata decesserit nolumus quod ipsorum bona per eos qui executores se dicunt dispensentur continuo vel vendantur aut aliqua fiat administratio de eisdem set omnibus mobilibus ibidem repertis fideliter in scripturam que inventarium appellatur redactis integre conserventur donec coram nobis vel officiali nostro aut alio uno vel duobus in singulis decanatibus ad hoc per nos vel officialem nostrum deputatis probatum fuerit testamentum defuncti