Charter Document - 03331032
| Charter Number: | 03331032 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1258 - 1259 |
| Date type: | Assigned |
| Resource Link(s): |
|
Charter:
De non admittendis sacerdotes aliene ordinationis [I]tem inhibemus ne [] archidiaconus aut quilibet alius aliene ordinationis presbiteros de alienis episcopatibus venientibus de novo ad parochiam custodiendam vel divina celebranda admittant priusquam iidem presbiteri licentiam super hoc a nobis vel officiali nostro habeant specialem ut cum per nos tam super honestate morum litteratura quam ordinatione canonica examinati fuerint et probati ipsos sicut invenerimus approbemus vel etiam reprobemus Firmiter inhibemus ne quis capellanus in capellis magnatum vel familie sue confessiones audiat sine nostra auctoritate et licentia speciali Item sub pena suspensionis interdicimus ne sub quocumque colore detur aliquid vel recipiatur a quocumque pro licentiis celebrandi