Charter Document - 03331027
| Charter Number: | 03331027 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1258 - 1259 |
| Date type: | Assigned |
| Resource Link(s): |
|
Charter:
De inquisitione facienda de litteratura personarum ecclesiasticarum [Q]uia multi inscii et illiterati pastoris officium in periculum animarum et proprie salutis usurpant dispendium precipimus quod tam per [] archidiaconum quam officialem nostrum solicite inquiratur qui rectores vel vicarii in litteratura magnum patiuntur defectum nobisque nuntientur et per eosdem de scientia sacerdotum parochialium frequenter sumatur experientia et utrum sciant decalogum idest decem precepta legis mosayce et ipsa plebi sibi commisse se predicent et exponant et si sciant septem criminalia nominare ipsaque predicare populo fugienda an sciant simpliciter vii sacramenta et an fidei saltem simplicem habeant intellectum secundum quod in psalmo Quicumque vult et in maiori simbolo continetur et in hiis populum sibi commissum noverint informare